Ölülər

C.Məmmədquluzadə yaradıcılığında “Ölülər” mühüm mövqe tutan dramlardan biridir. Tragikomediyanın yazılması 1909-cu ilə təsadüf edir. Əsərin 1916-cı ildə Bakıda uğurla səhnəyə qoyulması isə onun ədəbi şöhrətini daha da artırmışdır. Bu dram vasitəsilə yazıçı mövcud cəmiyyətə qarşı öz etirazını bildirir. Bu etirazını yazıçı İskəndər obrazı vasitəsilə edir. İnsanların çox acınacaqlı bir mühitdə yaşaması İskəndər obrazına cox böyük təsir edir. Ancaq mövcud cəmiyyətə etiraz etsə də, insanlar tərəfindən bu etiraza dəli adı verilir.