Arz e Haal Mustard / عرض حال مسترد

لکھاری کی زبانی ایک مختصر تعارف
جیسا کہ میں کہتی ہوں عرض حال رد کیے جانے کی کہانی ہے۔ اس میں ڈھیر وزن رکھنے والے معاشرتی مسائل اور موضوعات پر بات کی گئ ہے لیکن کچھ اس طرح سے کہ یہ تحریر بوجھل محسوس نہ ہو۔
ایک چیز جو میں وثوق سے کہہ سکتی ہوں وہ یہ ہے کہ اس کہانی میں کوئی ایک کردار بھی اضافی نہیں ہے۔ نہ کردار نہ کوئی منظر اور شاید نہ ہی کوئی جملہ۔
مجھے کہانی کھینچنا نہیں آتا اور میری تحریر کی شاید یہی انفرادیت ہے۔
مجھے یاد ہے عرض حال لکھنا شروع کرنے سے قبل میں نے کہانی کے تعارفی پوسٹ میں کہا تھا یہ کہانی ایک خود ساختہ جلا وطنی اختیار کر لینے والے شہزادے اور ایک گم شدہ شہزادی کی ہے۔ (ماڈرن اپڈیپٹڈ ورژن) یہ کہانی ان سے جڑے باقی کرداروں کی بھی ہے۔ خاص کر اس پری کی جو انہیں مسخ شدہ حالت میں مل کر ان دو کے درمیان ایک پل کا کام کرتی ہے۔
وہ قارئیں جنہوں نے اسے پڑھا ہے ان کے مطابق یہ کہانی آپ کو ہنسائے گی اور ہنسانے سے زیادہ شاید رلائے گی بھی۔ یہ آپ کو سوچنے پرمجبور کرے گی۔ آپ اسے بہت آسانی سے جھٹک نہیں پائیں گے۔
میری اپنی تحریروں کو لے کر ایک خواہش ہے کہ انہیں کنزیوم کرنے کے بجائے پڑھا جائے۔ ایسی کتاب جسے آپ ہر کچھ ماہ بعد کھولنا چاہیں۔