အလွမ်းဆိုင်

နေကြာရိုင်းတွေ ထိန်ထိန်ဝါနေအောင် ပွင့်တတ်တဲ့ ရှမ်းပြည်နယ် သီပေါမြို့ နဲ့ ဘော်ကြိုမြို့တို့ကို နောက်ခံထားတဲ့ ဒီဝတ္ထုဟာ ဖတ်လိုက်တာနဲ့ လွမ်းမိစေမယ့်၊ ပျောက်ကွယ်လုနီးနီး ဖြစ်နေတဲ့ စာအုပ်အငှားဆိုင် ယဉ်ကျေးမှု၊ စာအုပ်အငှားဆိုင်မှာ အခြေတည်ထားတဲ့ လွမ်းစရာ ဇာတ်လမ်းတစ်ပုဒ်အကြောင်း၊ ဘူတာမှာ ရပ်နား၊ ထွက်ခွာသွားတဲ့ ရထားတွေနဲ့အတူ တွေ့ဆုံ ကြုံကွဲရတဲ့ လူ့ဘဝထဲက ဇာတ်လမ်းတစ်ပုဒ်ကို ဇာတ်အိမ်ခိုင်ခိုင်နဲ့ ဖွဲ့နွဲ့ထားတဲ့ စံပယ်ဖြူနုရဲ့ လက်ရာ အလွမ်းဖွဲ့ ဝတ္ထုရှည်တစ်ပုဒ် ဖြစ်ပါတယ်။

မြောက်ဖျားက အလွမ်းရာသီ ဝတ္ထုရှည်နဲ့ စတင်ခဲ့တဲ့ စာရေးသူရဲ့ လုံးချင်းဝတ္ထုခရီးရှည်မှာ ငါးခုမြောက် မှတ်တိုင်လည်း ဖြစ်ပါတယ်။