Si Iska at Ang Nawawalang Kampana

Nang sumapit ang ikalabing-anim na kaarawan ni Iska, maraming nagbago. Umuwi ang kaniyang lola, mommy, at mga tiyahin na tila tumanda nang ilang dekada. Bigla ring naglaho ang kampana ng Antipolo. Sa isang iglap, hindi na matiyak ni Iska ang totoo sa hindi. Nalugmok pa siya nang iwan ng boyfriend niyang si Joshua.

Kasama ang mga kaibigang sina Kenneth, Jane, at ang munting nuno na si Kiko, haharap si Iska sa matinding pagsubok at makakakilala ng iba’t ibang nilalang. Kailangan niyang iligtas ang pamilya niya . . . at ang mundong akala niya’y kilala niya.