Քեզնից հեռու, քեզ հետ

Լիբանանի մայրաքաղաք Բեյրութում ապրող հայերը ցնծության մեջ են։ Վերջապես իրականություն է դարձել նրանց նվիրական երազանքը՝ Հայրենիքը գրկաբաց սպասում է իր զավակներին։Հայաստան մեկնելու համար հազարավոր հայեր են հերթագրվում, որոնց մեջ են նաև երիտասարդ սիրահարների՝ Աստղիկի ու Սամվելի ընտանիքները։ Եվ, ահա, զույգը ստիպված է լինում բաժանվել, քանի որ Աստղիկի ընտանիքն արդեն պիտի մեկնի, իսկ Սամվելի հերթը դեռ չի հասել։ Բաժանումը ծանր է, բայց սիրահարները հույս ունեն, որ կրկին միանալու են և ապրելու են Մայր Հայրենիքում․․․