Abaddon

Ara verməyən İrlandiya yağışlarının məcrasından çıxartdığı dağ çayı bu dəfə sahilə fərqli bir şey atıb - ağlasığmaz işgəncələrdən tanınmaz hala düşmüş gənc qadın cəsədi. Və bu, əsrarəngiz təbiətin qoynunda sakitcə mürgüləyən Kork şəhərinin hüzurunu pozan artıq altıncı bənzər qətl hadisəsidir. "Müəllif" zövqlü bir oyun oynayır: oxşar zahiri gözəlliyə malik olan qadınları böyük səylə seçir, beş ay ərzində ən müxtəlif işgəncələr verdikdən sonra ayda birini ən dəhşətli üsulla qətlə yetirir. Bütün cəsədlərdə öz imzasını qoymağı, hətta ara-sıra həyat fəlsəfəsi ilə bağlı nəsihət məktubları yazmağı da unutmur. Caninin tapılması üçün paytaxt Dublindən Korka göndərilmiş canlı əfsanə baş müstəntiq Şon Onil qarşısında çətin sual dayanır: silsilə qatil kimdir? İllər öncə yoxa çıxmış kriminal avtoritet, hər gün üzləşdiyi insanların arasında maskalanmış psixopat, yoxsa qaranlıq dünyadan təşrif buyurmuş qorxunc cəhənnəm əcinnəsinin özü? Bütün nəzərlər fokusçunun şlyapadan dovşan çıxaran sağ əlinə zilləndiyi zaman müstəntiq diqqətdən kənarda qalan sol əli izləyə biləcəkmi?