Die avonture van Helga Roets

Helga Roets woon al ses jaar by Silwerhare Aftreeoord, maar danksy haar motortjie bly sy bedrywig. Wanneer sy deur die oogarts met makulêre degenerasie gediagnoseer word, is Helga raadop. Dis dan so ’n bedrywige week wat voorlê, twee begrafnisse en 'n troue in die Paarl!

Dinsdag glip Helga suutjies uit by die aftreeoord, reg om haar reisavontuur te begin. Maar die orige Stefaans de Wet wag onder die lamppaal, so ewe van plan om haar te vergesel. Net omdat sy kwansuis nie kan sién nie.